Qara Dəniz Yayım Tənzimləyici Qurumlarının Forumunun (BRAF) 11-ci Toplantısında Serbiya, Rumıniya, Yunanıstan, Albaniya, Bolqarıstan, Türkiyə, Moldova, Gürcüstan, eləcə də Azərbaycandan olan təmsilçilər media savadlılığını təşviq etməklə yanaşı, dezinformasiya ilə mübarizədə formalaşdırdıqları dəyərli təcrübə və strategiyalarını bölüşürlər.
AZƏRTAC xəbər verir ki, bu fikirləri Qara Dəniz Yayım Tənzimləyici Qurumlarının Forumunun daimi katibi Çağlayan Çağlar aprelin 15-də Bakıda keçirilən BRAF-ın 11-ci Toplantısında çıxışı zamanı səsləndirib.
O qeyd edib ki, cəmiyyətlərimizin sağlam informasiya mühitinə çıxışı üçün vətəndaşlara tənqidi düşünmə bacarıqları qazandıran tənzimləyici mexanizmlər son dərəcə vacibdir. BRAF-ın ötən illər ərzində əldə etdiyi uğurlar bu sahədə gələcək istiqamətləri dəqiq şəkildə müəyyənləşdirib.
