Ötən il Norveçin Azərbaycan iqtisadiyyatına cəlb olunmuş birbaşa xarici investisiyalarının həcmi 136,7 milyon ABŞ dolları təşkil edib.
Bu barədə Trend Azərbaycan Mərkəzi Bankından məlumat əldə edib.
Məlumata əsasən, 2023-cü ildəki göstərici ilə müqayisədə ötən il sözügedən ölkədən Azərbaycan iqtisadiyyatına investisiyalar 15,5 milyon ABŞ dolları və ya 10,2% azalıb.
Hesabat ilində Azərbaycana birbaşa xarici investisiyaların ümumi həcmində Norveçdən yatırılan investisiyaların payı 1,9% təşkil edib.
Öz növbəsində, Azərbaycan ötən il Norveç iqtisadiyyatına 7 milyon ABŞ dolları sərmayə qoyub.
Birbaşa xarici investisiyaların ümumi həcmində Norveçə yatırılan Azərbaycan investisiyalarının xüsusi çəkisi 0,4% təşkil edib.
Xatırladaq ki, 2023-cü ildə Norveçdən Azərbaycana yatırılan birbaşa xarici investisiyaların həcmi 152,2 milyon ABŞ dolları, Azərbaycandan Norveç iqtisadiyyatına yatırılan investisiyaların həcmi isə 1 min ABŞ dolları olub.
Qeyd edək ki, 2024-cü ildə Azərbaycan iqtisadiyyatına birbaşa xarici investisiyalar 7 milyard ABŞ dollarından çox olub. Bu isə 2023-cü ildəki göstərici ilə müqayisədə 388,1 milyon ABŞ dolları və ya 5,83% artım deməkdir.
Eyni zamanda, hesabat ili ərzində Azərbaycandan xarici iqtisadiyyata yönəldilmiş birbaşa xarici investisiyaların həcmi 1,8 milyard ABŞ dolları olub ki, bu da 2023-cü ildəki göstərici ilə müqayisədə 1,4 milyard ABŞ dolları və ya 43,3% azdır.
