İqtisadiyyat

14 Aprel 2025 10:38

“InvestAZ”dan dünya maliyyə bazarları ilə bağlı həftəlik analiz

“InvestAZ” dünya maliyyə bazarları ilə bağlı həftəlik analizi açıqlayıb.

Ötən həftə Amerikada inflyasiyaya dair məlumatların proqnozların altında dərc

olunması və prezident Donald Trampın tarif siyasətinin beynəlxalq münasibətləri

gərginləşdirməyə davam etməsi fonunda dolların major valyutalar qarşısında

ucuzlaşması tendensiyası davam edib. Belə ki, EURUSD valyuta cütlüyü həftə

ərzində 1.09600 səviyyəsindən dəstək alaraq bahalaşıb və bugün səhər 1.14730

səviyyəsinə qədər artım göstərib. Bu, 2022-ci ilin fevral ayından bəri ən yüksək

həddir. USDJPY cütlüyü eyni dövr ərzində 2024-ci ilin oktyabr ayından bu yana, ilk

dəfə 142.060 səviyyəsinə qədər ucuzlaşıb. EURGBP cütlüyü isə 2009-cu ilin iyun

ayından bəri, ən yüksək səviyyəyə, 0.87380 həddinə qədər qalxıb.

Dolların ucuzlaşması investorların “güvənli liman” maliyyə aləti olaraq qızıla olan

marağını artırıb və dəyərli metal tarixində ilk dəfə 3245$ səviyyəsinə qədər

bahalaşıb. “Brent” markalı neftin qiyməti isə 64$ həddinin üzərində möhkəmlənməyə

çalışır. Hazırda “qara qızıl” beynəlxalq birjalarda 64.10$-a ticarət olunur. “Bitcoin”-in

qiyməti isə ötən həftə 74500$ səviyyəsinə kimi ucuzlaşıb.

ABŞ-ın Əmək Nazirliyinin verdiyi məlumatlara əsasən, mart ayında ölkədə İstehlak

Qiymətləri İndeksi (CPI) illik ifadədə 2.4% artıb. Qiymət artımı fevral ayında dərc

olunan 2.8%-lik göstəriciyə nisbətən zəifləyib. Aylıq ifadədə CPI indeksi fevral ayı ilə

müqayisədə mart ayında 0.1% azalıb. Bu, 2024-cü ilin iyun ayından bəri, göstəricidə

müşahidə olunan ilk azalmadır. Ölkədə baza inflyasiya indeksi (Core CPI) mart

ayında fevral ilə müqayisədə 0.1%, illik ifadədə isə 2.8% artıb.

Cari həftə ərzində isə Avropa Mərkəzi Bankının faiz qərarı, ECB və FED sədrləri

Kristin Laqard ilə Cerom Pavelin çıxışları, eləcə də, Avrozonada və İngiltərədə dərc

olunacaq İstehlak Qiymətləri İndeksinə (CPİ) dair göstəricilər dünya birjalarında ciddi

dalğalanmalara səbəb ola bilər.

Bu həftə eləcə də, Kanada və Türkiyə mərkəzi banklarının faiz qərarları, həmçinin

Kanada və Yeni Zelandiyada açıqlanacaq CPİ hesabatları investorların diqqət

mərkəzində saxlayacaqları əsas xəbərlər arasında yer alırlar.

Qeyd edək ki, dünya birjalarında "Müqəddəs Cümə Günü" (Pasxa bayramından

öncəki cümə) ilə əlaqədar olaraq cümə günü volatilliyin kəskin azalacağı ehtimal

olunur.

EUR

İnvestorların Amerikanın xarici ticarət siyasətində yaşanan dəyişikliklər, ABŞ

prezidenti Donald Trampın avropa mallarına tətbiq etdiyi son gömrük tariflərinin

gələcək təsirlərini qiymətləndirmələri səbəbilə dolların dünya birjalarında kəskin

ucuzlaşması fonunda EURUSD məzənnəsi bahalaşaraq 1.14730 hədlərinə yüksəldi.

Hazırda 1.13700 səviyyəsində ticarət olunan EURUSD məzənnəsində “buğalar”

qiyməti 1.13$ həddinin üzərində qoruyub saxlaya bilsələr, artım tendensiyası davam

edə bilər.

Qeyd etmək lazımdır ki, bu həftə Avropa Mərkəzi Bankının faiz qərarı və Avrozonada

dərc olunacaq İstehlak Qiymətləri İndeksi göstəriciləri avronun valyuta birjalarında

qiymətlərinə yön verə bilər.

GBP

Ötən həftə 1.3144$ həddinə kimi bahalaşan GBPUSD valyuta cütlüyü, həftəni

1.30790 səviyyəsində tamamladı. Hazırda 1.31100 səviyyəsində ticarət olunan

məzənnədə “buğalar” qiyməti 1.31$ həddinin üzərində qoruyub saxlaya bilsələr,

funt-sterlinqdə artım tendensiyası daha kəskin xarakter ala bilər.

Bu həftə İngiltərədə açıqlanacaq inflyasiya və əmək bazarı hesabatları funtun

qiymətlərinə ciddi təsri edə bilər.

XAUUSD

Tariflərin qlobal iqtisadiyyata təsiri ilə bağlı artan narahatlıqlar fonunda investorlar

təhlükəsiz sığınacaqlara axın etdikcə qızılın qiyməti bir unsiya üçün 3245$-a

yüksələrək bütün dövlərin rekord həddinə çatdı.

Hazırda, 30232.70$-dan ticarət olunan qiymətli metalda “buğalar” qiyməti 3250$

həddinin üzərinə yüksəldə və burada qoruyub saxlaya bilsələr, artım tendensiyası

3350$ - 3400$-a kimi, davam edə bilər. Analitik şirkətlərin ehtimallarına əsasən,

mövcud iqtisadi və geosiyasi şərait davam edərsə, “sarı metal” 3500$ - 3700$-a kimi

bahalaşa bilər.

İqtisadiyyat

Dünya üzrə istehsal olunan plastikin cəmi 10 faizi təkrar emala cəlb olunur - Nazir müavini

16:29

Bakı–Tbilisi–Bakı dəmir yolu marşrutu üzrə gediş haqqı açıqlanıb

15:26

Qazaxıstan Azərbaycan, Türkiyə və Qırğızıstanla elektron nəqliyyat icazələri sisteminin tətbiqinə başlayıb

13:36

Mənzilə sadəcə infrastruktur kimi yox, sosial tələbat kimi baxılmalıdır - Mədinə şəhərinin meri

13:35

Bakıda Xocasən gölü və tullantı infrastrukturu üzrə yeni layihələr icra olunacaq

13:34

"Azercell" “Baku Flames” festivalında ilin “Ən Yaxşı Yerli Brend”i seçildi

13:29

Mərkəzi Asiya torpaq dəyərinin artımından gəlir əldə etməyi öyrənməlidir - Dünya Bankı

13:08

“Sea Breeze" yarım milyon insan üçün planlaşdırılan "şəhər daxilində şəhər" modelidir - Ena-Kameliya Məlikova

12:51

Azad edilmiş ərazilərdə istehsal olunacaq "yaşıl enerji" ixrac üçün də kifayət edəcək - Xüsusi nümayəndə

12:30

Gürcüstanda əvvəllər planlaşdırma sahəsində təcrübə yox idi - Tinatin Kolbaia

12:00

WUF13 çərçivəsində Azərbaycanda ağıllı və dayanıqlı şəhər layihələri üzrə tədbir keçirilir

11:28

Sentyabrda Azərbaycan Beynəlxalq İnvestisiya Forumu keçirilməsi planlaşdırılır - Yusif Abdullayev

11:27