Əlcəzairdə İslam İnkişaf Bankı Qrupunun (İsDB) 2025-ci il İllik toplantısı öz işinə başlayıb.
Bu barədə Trend-in ölkəyə ezam olunmuş xüsusi müxbiri xəbər verir.
Mayın 22-ə kimi davam edəcək tədbir “İqtisadiyyatın şaxələndirilməsi, həyat keyfiyyətinin yaxşılaşdırılması” şüarı altında keçirilir.
Toplantının ilk günündə IsDB qrupu Şurasının toplantısı, İslam Ölkələri Müşavirləri Federasiyasının Baş Assambleyası (FCIC), IsDB-nin 13-cü İnkişaf Forumu, İslam Ölkələri Podratçılarının Federasiyasının (FOCIC) direktorlar şurasının iclası, həmçinin digər tədbirlər nəzərdə tutulub.
Qeyd edək ki, rəsmi açılış mərasimi 20 may tarixində keçiriləcək.
