Türk İnvestisiya Fondu (TİF) Azərbaycanda Orta Dəhlizin inkişafı ilə bağlı layihələri maliyyələşdirməyi planlaşdırır.
Bunu Türk İnvestisiya Fondunun prezidenti Bağdad Amreyev Antalya Diplomatiya Forumu çərçivəsində Trend-in xüsusi müxbirinə açıqlamasında bildirib.
“Azərbaycanla bağlı prioritet maliyyələşdirmə istiqamətləri əsasən çoxsaylı logistika layihələrini əhatə edir. Xüsusi diqqət Orta Dəhlizə yönəldilir. Ümid edirik ki, yaxın zamanda onların icrasına başlaya biləcəyik”, – deyə o qeyd edib.
Amreyevin sözlərinə görə, fondun nizamnamə kapitalı 100 milyon ABŞ dolları təşkil edir və yaxın illərdə onun 3 milyard ABŞ dollarına qədər artırılması gözlənilir.
