İxracın və İnvestisiyaların Təşviqi Agentliyinin – AZPROMO-nun təşkilatçılığı ilə Çexiyanın ticarət, enerji, sənaye, tikinti, maliyyə, nəqliyyat-logistika, İKT və xidmət sahələri üzrə 50-dək sahibkarı Qəbələdə yerləşən şərab istehsalı zavodunda olub.
AZPROMO-dan AZƏRTAC-a bildirilib ki, çexiyalı iş adamlarına müəssisənin fəaliyyəti, istehsal prosesi, tətbiq olunan müasir texnologiyalar, məhsul çeşidləri və ixrac imkanları barədə məlumat verilib.
Qonaqlar üçün zavodun ərazisində yerləşən şərab muzeyində Azərbaycanın şərabçılıq tarixi və bu sahədə formalaşmış ənənələrə dair informasiya turu təşkil olunub.
