Azərbaycan kişi və qadınlardan ibarət milli komandaları Özbəkistanın Səmərqənd şəhərində təşkil olunan Ümumdünya Şahmat Olimpiadasında V tur oyunlarını keçiriblər.
AZƏRTAC xəbər verir ki, qadınların yığması Serbiyaya 3:1 hesabı ilə qalib gəlib.
Kişilərdən ibarət komanda isə Rumıniya ilə heç-heçə edib.
Qeyd edək ki, turnir cədvəlində qadın yığması 10 xalla 4-cü, kişi komandası isə 8 xalla 11-ci pillədə qərarlaşıb.
İsveçrə sistemi üzrə keçirilən Ümumdünya Şahmat Olimpiadası 11 turdan ibarət. Yarışa sentyabrın 27-də yekun vurulacaq.
