İsrailin baş naziri Binyamin Netanyahu Azərbaycana səfərini təxirə salmaq qərarı qəbul edib.
Bu barədə Trend-ə diplomatik mənbə məlumat verib.
“Son daxili siyasi hadisələri, həmçinin Suriya və Qəzza zolağı ətrafında vəziyyətlə bağlı prosesləri nəzərə alaraq, baş nazir Netanyahu Azərbaycana səfərini başqa tarixə təxirə salmaq qərarına gəlib”, - deyə mənbə bildirib.
"Baş nazir dəvətə görə Prezident İlham Əliyevə təşəkkür edib və iki ölkə arasındakı isti münasibətləri yüksək qiymətləndirib", - deyə Netanyahunun ofisinin məsələ ilə bağlı açıqlamasında deyilir.
Qeyd edək ki, Binyamin Netanyahunun Azərbaycana səfəri 7-11 may tarixlərinə planlaşdırılmışdı.
