2025-ci ilin əvvəlindən Azərbaycan və Avropa İttifaqı arasında dialoqun çox müsbət dinamikası və canlanması müşahidə olunur.
Trend xəbər verir ki, bunu Azərbaycanın xarici işlər naziri Ceyhun Bayramov Estoniyanın xarici işlər naziri Marqus Tsaxna ilə birgə mətbuat konfransında deyib.
"Bugünkü danışıqlarda yeni Aİ-nin formalaşdırılması kontekstində Azərbaycan və Aİ arasında əlaqələr müzakirə olunub. Biz 2025-ci ilin əvvəlindən Azərbaycan-Aİ dialoqunda fəal və müsbət prosesi müşahidə edirik ki, bu da bizi çox sevindirir".
C.Bayramov qeyd edib ki, son aylar ərzində Aİ-nin bir neçə yüksək vəzifəli rəsmisi Azərbaycana səfər edib, azərbaycanlı nazirlərlə görüşlər keçirib, müxtəlif məsələlərlə bağlı danışıqlar aparıb.
