İraq Ceyhan limanı vasitəsilə xam neftin nəqlini bərpa edib.
AZƏRTAC xarici mediaya istinadla xəbər verir ki, bu barədə İraqın Neft Nazirliyi məlumat yayıb.
Məlumata görə, ilkin mərhələdə gündəlik ixrac gücünün təxminən 250 min barel olması hədəflənir.
Bildirilib ki, Baş nazir Məhəmməd Şiya əs-Sudaninin təlimatlarına uyğun olaraq, bir müddətdir Ceyhan limanı vasitəsilə dayandırılmış xam neftin nəqli və ixracı fəaliyyətləri yenidən bərpa olunub. Bu addım hökumət və İraq Kürdüstan Regionu arasında əldə edilən razılaşma nəticəsində atılıb. Nəticədə İraqın ən vacib strateji ixrac marşrutlarından biri yenidən aktivləşdirilib və neft ixracı sisteminin çevikliyi gücləndirilib.
