Azərbaycan Respublikasının Prezidenti cənab İlham Əliyevin Gürcüstana səfəri bizim üçün çox vacibdir.
AZƏRTAC xəbər verir ki, bu sözləri Tbilisinin meri Kaxa Kaladze Azərbaycan Prezidenti İlham Əliyevin Gürcüstana səfəri barədə danışarkən söyləyib.
"Azərbaycan bizim strateji tərəfdaş ölkəmizdir. İki ölkə arasında münasibətlər çox vacibdir. Dostluq və səmimi münasibətlər illərdir mövcuddur. Biz bu dostluq münasibətlərini və strateji tərəfdaşlığı alqışlayırıq”, - deyə Kaladze vurğulayıb.
O deyib: “Prezident İlham Əliyevin Gürcüstana səfəri çox vacibdir. Yaxın Şərqdəki vəziyyətin nə qədər çətin olduğunu, dünyada hansı proseslərin baş verdiyini, dünyanın hansı çətinliklərlə üzləşdiyini nəzərə alsaq, bunu daha aydın dərk edərik. Regionda sülhün qorunması, ölkələrimizdə sabitlik prinsipial olaraq vacibdir”.
