Çin Orta Dəhliz kimi tanınan Trans-Xəzər Beynəlxalq Nəqliyyat Marşrutunun (TXBNM) inkişafı sahəsində Azərbaycanla əməkdaşlığı genişləndirməyə hazırdır.
Çin Xalq Respublikasının Azərbaycandakı səfiri Lu Mey AZƏRTAC-a eksklüziv müsahibəsində bildirib ki, 2025-ci ildə TXBNM üzrə yükdaşımaların həcmi 4,7 milyon tona çataraq yeni rekord müəyyənləşdirib. Çin bu marşrut üzrə daşınan malların əsas mənbəyinə çevrilib.
Səfir bildirib ki, gələcək əməkdaşlıq çərçivəsində Çin tərəfi sərhədlərarası nəqliyyat qovşaqlarının, logistika sənaye parklarının və gömrük rəsmiləşdirilməsinin rəqəmsal sistemlərinin yaradılmasında iştirak etməyə hazırdır.
Lu Meyin sözlərinə görə, bu layihələr Çin ilə Azərbaycan arasında yükdaşımaların müddətini və logistika xərclərini azaltmağa imkan verəcək.
