Tramp: Zelenskiyin danışıqları başqasına təhvil verməsinin vaxtı gəldi

ABŞ Prezidenti Donald Tramp, Kanzas ştatındakı seçki mitinqi üçün Ağ Evdən ayrılarkən gündəmə dair açıqlama verdi. Rusiya-Ukrayna Müharibəsinin sona çatmasını çox istədiyini və Moskva ilə danışıqlar apardıqlarını bildirən Tramp, Rusiyanın anlaşma etməyə daha istəkli olduğunu qeyd etdi. Tramp, “Bəlkə də Zelenskiyin danışıqları başqasına təhvil verməsinin vaxtı gəldi. Rusiyayla etdiyimiz dizel anlaşmasından Zelenskiy narahatdır. O, bu müharibəni çoxdan həll etməli idi. Məni dinləsəydi, çoxdan yaxşı bir anlaşma edərdi və ölkəsində 1 milyon insan hələ də yaşayırdı” ifadələrini işlətdi.

Rusiya Prezidenti Vladimir Putin ilə İran mövzusunda da yaxşı bir dialoq içində olduqlarını bildirən Tramp, “Putin, İrana toxunmur və bu yaxşı bir şeydir, çünki biz, İrana iqtisadi və hərbi olaraq çox sərt şəkildə hücum edirik” dedi.

Noyabrda Çinə gedəcəyini və Rusiya Prezidenti Putin və Çin Prezidenti Şi Cinpin ilə üçlü görüşməyə müsbət baxdığını vurğulayan Tramp, “Əgər Putin və Şi, üçlü bir toplantıda bir araya gəlmək istəsə, Çində bunu etmək istəyirəm” dedi.