ABŞ Prezidenti Donald Tramp, İranla müharibənin çox tezliklə sona çatacağını və neft qiymətlərinin sürətlə düşəcəyini bildirdi.
ABŞ Prezidenti Donald Tramp Oval Ofisdə keçirdiyi mətbuat konfransının ardından gündəmə dair açıqlamalar verdi. İranla müharibənin çox tezliklə sona çatacağını deyən Tramp, “Neft qiymətləri yaxın zamanda düşəcək və hər kəs məmnun olacaq. İstəsək, indi oradan çəkilə bilərik və əla bir iş görmüş olarıq, lakin bu mənim üçün kifayət deyil” ifadələrini işlətdi.
Tramp, Fransadakı hadisələrlə bağlı qiymətləndirməsində isə problemin mənbəyində 'miqrantların' olduğunu irəli sürdü. Fransa Prezidenti Emmanuel Makronu bu mövzuda daha əvvəl dəfələrlə xəbərdar etdiyini bildirən Tramp, bir çox ölkədən Fransaya və Avropaya nizamsız miqrantların kütləvi şəkildə gəldiyini qeyd etdi. Tramp, “Fransadakı hadisələr təhsillə bağlı deyil, miqrantlarla bağlıdır. Makron ölkə sərhədlərini çoxdan bağlamalı idi. Hadisələrin 'üsyan' olaraq təsvir edilməsini kifayət hesab etmirəm. Fransada belə bir şey görməmişdim. Bu kiçik bir üsyan deyil, tam mənasıyla bir inqilab kimidir. Avropadakı miqrantlar olduqları ölkələrdən çıxarılmalıdır, əks halda Avropa İttifaqı deyə bir şey qalmayacaq” deyə danışdı.
ABŞ Prezidenti Tramp, Rusiya və Ukrayna mövzusunda da açıqlama verdi. Rusiya ilə Ukrayna arasında artıq bir anlaşmaya varılması lazım olduğunu vurğulayan Tramp, Moskvanın anlaşmaya daha istəkli olduğunu dilə gətirdi. Tramp, “Zelenskiyin artıq bir anlaşma etməsini istəyirik. İki il əvvəl Oval Ofisdə etdiyimiz söhbət zamanı bir anlaşma edə bilərdi. Ukraynaya bu vaxta qədər çox kömək etdim amma artıq bu müharibəni sona çatdırıb o gənclərin öldürülməsini əngəlləmək vaxtı gəldi. Zelenskiy müharibəni sona çatdırmaq üçün addım atmasa vəziyyət daha pis olacaq. ABŞ, Ukrayna üçün bir sərvət xərclədi, Avropa da bir sərvət xərclədi. Avropa artıq bundan bezib” qiymətləndirməsində bulundu.
Rusiyanın Ukrayna ilə müqayisədə 'bir nəhəng' olduğunu vurğulayan Tramp, “Düşünürəm ki, Rusiya bu işi artıq həll etmək istəyir” dedi.
