Türkiyənin cənub-şərqindəki Şanlıurfa vilayətindəki liseyin şagirdi aprelin 14-də məktəb binasının içərisində nizamsız şəkildə ətrafa atəş açıb.
AZƏRTAC xəbər verir ki, hadisə Siverek rayonundakı Ahmet Koyuncu Anadolu Peşə Liseyində baş verib. İlkin məlumatlara görə, insident zamanı əksəriyyəti şagirdlər olan 16 nəfər yaralanıb.
Şanlıurfa valisi Hasan Şıldak hücum edən şəxsin ov tüfəngi ilə silahlandığını və atışmadan sonra intihar etdiyini bildirib.
Hadisənin səbəbi araşdırılır.
