Netanyahu, Qəzzadakı atəşkəsin ikinci mərhələ planını rədd etdiklərini açıqladı

İsrail Baş naziri Binyamin Netanyahu həftəlik kabinet iclasının açılışında çıxış etdi. Netanyahu çıxışında Sülh Şurasının Qəzzada atəşkəsə dair elan etdiyi yeni yol xəritəsi ilə bağlı açıqlama verdi. Qəzzada atəşkəsin ikinci mərhələsinin tətbiqinə dair 15 maddəlik yeni yol xəritəsini qəbul etmədiklərini bildirən Netanyahu, İsrail ordusunun Həmas tamamilə silahsızlaşdırılmadan Qəzzadan çəkilməyəcəyini qeyd etdi. Netanyahu, silahsızlaşdırma deyərkən bütün silahları nəzərdə tutduğunu bildirərək, "Biz saxta və ya xəyali bir silahsızlaşdırmadan deyil, real bir silahsızlaşdırmadan danışırıq" ifadələrini işlətdi.

Həmasın silahsızlaşdırılması daxil olmaqla Qəzzada atəşkəsin ikinci mərhələsi ilə bağlı ABŞ rəhbərliyi ilə müzakirə etdiklərini qeyd edən Netanyahu, "Onların bəzi fikirləri var və bu fikirlərin bir qismi bizim üçün qəbul edilə bilər, bir qismi isə qəbul edilə bilməz" dedi.