İndoneziyanın şərqində 15 avqustda baş verən 7.7 bal gücündəki zəlzələdə həyatını itirənlərin sayının 70-ə çatdığı bildirildi.
İndoneziya Milli Axtarış və Xilasetmə Agentliyi (BASARNAS) tərəfindən verilən açıqlamada, Şərqi Nusa Tenggara əyalətindəki 7.7 bal gücündəki zəlzələdə həyatını itirənlərin sayının 70-ə çatdığı, 132 nəfərin isə yaralandığı bildirildi. Yaralılardan 40-nın vəziyyətinin ağır olduğu qeyd edilərkən, hər hansı bir itkin xəbərinin qalmaması üzərinə qrupların sahə taraması və bərpa işlərinə fokuslandığı bildirildi.
Meteorologiya, Klimatologiya və Geofizika İnstitutu (BMKG), Flores bölgəsində 2 min 357 təkan qeydə alındığını açıqladı. Ən böyüyü 6.2 olaraq ölçülən təkanlardan 24-nün 5-dən yuxarı olduğu və 72-nin hiss edildiyi qeyd edildi.
Nəqliyyatın məhdud olduğu ərazilərə helikopterlərlə tibb işçiləri göndərilərkən, müvəqqəti sığınacaq mərkəzlərində 5 mindən çox insanın qaldığı bildirildi.
