Kreml: Böyük Britaniya Ukrayna böhranının sülh prosesini əngəlləmək üçün müntəzəm addımlar atır

Kreml sözçüsü Dmitriy Peskov, paytaxt Moskva'da jurnalistlərə gündəmdəki mövzularla bağlı açıqlama verdi. Peskov, Böyük Britaniyanın Scalp raket komponentlərinə dair gizli məlumatları Ukrayna ilə paylaşma qərarına toxunaraq, "Böyük Britaniya müharibədə Kiyev rəhbərliyinin tərəfində yer alır. Böyük Britaniya sülh prosesini əngəlləmək üçün müntəzəm şəkildə addımlar atır. Silahlı Qüvvələrimiz, bu cür raketlərin və digər hərbi texnikanın istehsal yerlərini müəyyən etmək üçün zəruri məlumatları toplayır və onların məhv edilməsinə yönəlik tədbirlər alır" ifadələrini işlətdi.

Ermənistan Baş naziri Nikol Paşinyanın, 'Kollektiv Təhlükəsizlik Müqaviləsi Təşkilatının (KTMT) Ermənistanı təşkilatdan çıxarma qərarı almasının özünü məmnun edəcəyi' yönündəki açıqlaması barədə Peskov, KTMT-nin, regional təhlükəsizliyin təmin edilməsi baxımından vacib bir təşkilat olduğunu qeyd etdi. Peskov, "Əgər İrəvanın milli maraqları baxımından artıq üzvlüyə ehtiyacı yoxdursa, Paşinyan təşkilatdan ayrılma qərarı almaqda azaddır" dedi.

Ermənistanın Avropa İttifaqına (Aİ) üzvlük üçün müraciət prosesini başlatma planları ilə bağlı isə Peskov, "Bu mövzuda Türkiyə və digər ölkələrin Aİ-yə üzvlük müraciətləri ilə bağlı təcrübələrini xatırlamağı tövsiyə edirəm. Onların müraciət etməsindən illər keçdi, lakin nəticə dəyişmədi" qiymətləndirməsində bulundu.