Venesuela Müvəqqəti Dövlət Başçısı Delcy Rodriguez, “Ölkədə zəruri şərtlər təmin edildikdə seçki keçiriləcək” dedi.
Venesuela Müvəqqəti Dövlət Başçısı Delcy Rodriguez paytaxt Karakasdakı Dövlət Başçısı Sarayı Mirafloresdə keçirilən mətbuat konfransında çıxış etdi. Rodriguez, 5 yanvarda vəzifəyə başladığından bəri davamlı çalışdığını qeyd edərək, Venesuelada zəruri şərtlər təmin edildikdə seçki keçiriləcəyini bildirdi. Rodriguez, “Venesuelanın vaxtı gəldikdə seçkiyə tam hazır olması üçün dayanmadan çalışdım. Heç şübhəniz olmasın, bu ölkədə seçki keçiriləcək, lakin bu proses, Venesuelanın tam hazır olduğu şəraitdə baş tutacaq. Venesuelada demokratik sülhün təmin edilməsi və ölkəyə qarşı sanksiya dairəsinin tamamilə qırılması üçün intensiv diplomatiya aparıram” ifadələrini işlətdi.
Seçki tarixini müəyyən edən orqan olmadığını deyən Rodriguez, “Venesuelada qüvvədə olan bir Konstitusiya və bu Konstitusiyanın təminat altına aldığı demokratik bir nizam mövcuddur” dedi.
