Nepalda keçən həftə baş verən seldən sonra hidroelektrik stansiyası tunelində qalan 2 işçi, 9 gün sonra sağ xilas edildi.
Nepalın Rasuva bölgəsində 26 avqustda baş verən seldən sonra başladılan axtarış-xilasetmə işlərində yeni bir inkişaf qeydə alınıb. Trishuli 3A Hidroelektrik Stansiyası layihəsinə aid tuneldə qalan 2 işçi, Nepal Ordusu və təhlükəsizlik qüvvələrinin təşkil etdiyi əməliyyatla tuneldən sağ çıxarılıb. Qrupların tunel içərisindən gələn səsləri eşitməsi üzərinə əlaqə qurduğu və tunel divarını açaraq işçilərə çatdığı bildirilib. Tuneldən çıxarılan işçilər, helikopterlə paytaxt Katmandudakı xəstəxanalara göndərilərək müalicə altına alınıb. İşçilərin sağlamlıq vəziyyətlərinin stabil olduğu bildirilib.
Bölgədə, tunellərdə qalan başqa şəxslərin də ola biləcəyi qiymətləndirilərək axtarış-xilasetmə işlərinin davam etdirildiyi qeyd edilib.
