Almaniyada Saksoniya-Anhalt Əyalət Məclisi seçkilərinin müvəqqəti rəsmi nəticələri açıqlandı

Almaniyanın Saksoniya-Anhalt əyalət seçki komissiyasının açıqladığı müvəqqəti rəsmi nəticələrə görə, sağçı Almaniya üçün Alternativ Partiyası (AfD) səslərin 43,8%-ni alaraq birinci oldu. Xristian Demokrat İttifaq Partiyası (CDU) 17,2% səslə seçkidən ikinci partiya çıxdı. Sosial Demokrat Partiyası (SPD) isə 9,3% ilə üçüncü sırada yer aldı. Yaşıllar partiyası 8,9% ilə sandıqdan dördüncü oldu, Sol Partiya da 8,6% ilə seçkidən beşinci çıxdı. Sosial Ədalət və İqtisadi Anlayış İttifaqı (BSW) 5,3% səs alaraq məclisə girməyə haqq qazandı. Azad Demokrat Partiyası (FDP) 2,6% səs aldı və 5%-lik baryeri keçə bilmədi.

Müvəqqəti rəsmi nəticələrə görə 83 yerlik əyalət məclisində AfD-ni 39, CDU-nu 15, SPD, Yaşıllar və Sol Partiyanı 8, BSW-ni isə 5 millət vəkili təmsil edəcək. Hökumət qurulması üçün 42 yerin tələb olunduğu əyalət məclisində AfD tək başına çoxluğu təmin edə bilmədi. AfD-nin iştirak etmədiyi çoxluq hökumətinin qurulması üçün CDU, SPD, Yaşıllar, Sol Partiya və BSW-nin hamısının koalisiyaya qatılması lazımdır.