ABŞ Prezidenti Donald Tramp, Kanada mənşəli məhsulların dövlət tenderlərindən çıxarılması yönündə təlimat verdiyini açıqladı.
ABŞ Prezidenti Donald Tramp, sosial media hesabından etdiyi paylaşımda, Amerika süd istehsalçılarının Kanada bazarına satış etməsinə icazə verilmədiyini, lakin keçmiş prezidentlər dövründəki ticarət anlaşmaları səbəbindən Kanadanın avtomobil istehsal etməyə davam edə bildiyini bildirdi.
Kanada hökuməti və əyalətlərinin Amerika kiçik müəssisələrinin öz dövlət tenderlərinə girməsini qadağan etdiyini qeyd edən Tramp, ABŞ-ın isə Kanadaya bu mövzuda giriş imkanı verdiyini vurğuladı. Tramp, “Bu qarşılıqlı deyil, bir Kanada ticarət fırıldağıdır. Bundan belə, qarşılıqlılıq yoxdursa, giriş də olmayacaq. Amerika fermerləri və şirkətləri üçün tam və ədalətli qarşılıqlılıq təmin olunana qədər Kanada mənşəli məhsulların Ümumi Xidmətlər İdarəsi (GSA) tender cədvəllərindən çıxarılması üçün GSA və ABŞ Ticarət Nümayəndəliyinə (USTR) təlimat verdim. Sözügedən tender proqramları ildə 50 milyard dollardan çox bir həcmə malikdir, bu girişin illər əvvəl kəsilməsi lazım idi” ifadələrini işlətdi.
