Aİ və 51 ölkə Rusiyanı atəşkəsi qəbul etməyə çağırdı

Avropa İttifaqının (Aİ) 27 üzv ölkəsi və Böyük Britaniya, İsrail, Avstraliya, Cənubi Koreya və Yaponiyanın da daxil olduğu 51 ölkənin nümayəndələri Birləşmiş Millətlər Təşkilatının Təhlükəsizlik Şurasının (BMT TŞ) Ukrayna mövzusunda iclası öncəsi ABŞ-ın Nyu-York şəhərində birgə bəyanat verdilər. Ukrayna ilə həmrəylik mesajı verilən bəyanatda, Rusiyanın Ukrayna ərazisində mülki şəxslərə və mülki infrastruktur obyektlərinə qarşı hücumlarını artırdığı, bu vəziyyətdən dərin narahatlıq duyulduğu qeyd edildi.

Bəyanatda, Ukraynanın Mart 2025-dən etibarən 'tam, dərhal və şərtsiz' atəşkəsi qəbul etdiyi vurğulanaraq, “Rusiyanı, sülhə aparan mənalı diplomatiya və danışıqlara doğru atılması lazım olan bir addım olaraq nəhayət eyni şeyi etməyə çağırırıq. Ukrayna sülh istəyir. Biz sülh istəyirik. Rusiya təcavüzünə son qoymalı, atəşkəsi qəbul etməli və beynəlxalq hüquqa uyğun, əhatəli, ədalətli və davamlı bir sülhə yönəlik danışıqlara mənalı şəkildə qatılmalıdır” ifadələri istifadə edildi.