Bəkir Səfərovun barəsində 22 sutka həbs qətimkan tədbiri seçilib. Məhkəmə Əhliman Gənciyevin qətimkan tədbirini bu gün saat 16:30-da müəyyən edəcək. İyulun 2-də məhkəmə Şahin Lalayevin həbsi ilə bağlı müstəntiqin vəsatətinə baxacaq.

12:48

İyulun 1-də Rusiyanın Yekaterinburq şəhərinin Leninski rayon məhkəməsində əvvəlki illərdə törədilən cinayətlərə görə saxlanılan azərbaycanlılar Əhliman Gənciyev, Şahin Lalayev və Bəkir Səfərovun barəsində qətimkan tədbirləri seçilir.

AZƏRTAC xəbər verir ki, məhkəmə prosesində bu şəhərdəki Azərbaycan diasporunun rəhbəri və Azərbaycanın Yekaterinburqdakı baş konsulunun səlahiyyətlərini icra edən şəxs iştirak edirlər.

Yerli media təhlükəsizlik tədbirlərinin gücləndirildiyini yazır: “İki məhkəmə icraçısı qətimkan tədbirinin seçiləcəyi məhkəmə zalının yaxınlığında növbətçilik edir. Konvoydan üç polis əməkdaşı birinci mərtəbədəki müttəhimlərin çıxarıldığı otaqdadır”.