Britaniyanın “Seraphim” və “Relm Insurance” investisiya şirkətlərinin çərşənbə günü verdiyi məlumata görə, kosmik sektor artıq özünü təsdiq etmiş bizneslərə doğru dəyişdikcə, qlobal miqyasda kosmik şirkətlərə qoyulan özəl investisiyalar iyun ayına qədər ikiqat artaraq 23 milyard dollara çatıb.
AZƏRTAC “Reuters” agentliyinə istinadla xəbər verir ki, “SpaceX” şirkətinin iyun ayındakı IPO-su sektor üçün maliyyələşdirmə mənzərəsini yenidən formalaşdırıb və vençur şirkətlər bu sahəyə yeni investorlar cəlb etməyə başlayıb.
“Relm Insurance” şirkətinin məlumatına görə, kosmik iqtisadiyyat həyəcandan kommersiya reallığına doğru irəliləyir və investorlar erkən mərhələli vədlər əvəzinə əməliyyat sübutu göstərə bilən şirkətlərə kapital yatırırlar. Kapital cəlb edən şirkətlərə Yer müşahidəsi, orbitdə məhsul istehsalı və peyk təchizat zəncirləri daxildir.
“Yer müşahidəsi artıq mövcud kateqoriyadır - texnologiya yaxşı qurulub və hələ də inkişaf edir. Əsl dəyər analitikadadır. Bu xidmətləri alan müştərilərin sayı artır. Onlar kosmik müşahidələr vasitəsilə gəmilərinin harada olmasını, əkinə nə vaxt başlamağı, neft emalı zavodunun işə salınması şəraitini, meşə yanğını risklərinin yerləşdiyi əraziləri müəyyənləşdirirlər.
Orbitdə məhsul istehsalı isə hələ yeni formalaşır. Məhsulların buraxılması və Yerə qaytarılması üçün məhdud yollar var, bəzi şirkətlər birləşir, digərləri isə kiçik pilot layihələrdən kənara çıxmaqda çətinlik çəkir. Amma analitiklər qeyd edirlər ki, istehsal artdıqca, peyk təchizat zəncirləri daha da mürəkkəbləşib və bu da şirkətləri xərcləri idarə etmək, xarici təchizatçılardan asılılığı azaltmağa məcbur edib.
Hesabatda deyilir ki, ənənəvi sığorta polisləri çox vaxt bu kiçik, eksperimental kosmik layihələrə uyğun gəlmir və yeni sığorta növlərinə tələbat yaranır.
