Danimarkada edilən yeni tənzimləmə ilə məcburi hərbi xidmət müddəti 4 aydan 11 aya qaldırıldı.
Danimarka ordusunda edilən yeni tənzimləmə çərçivəsində məcburi hərbi xidmət müddəti uzadıldı. Yeni sistemin ilk mərhələsində, tamamilə könüllülərdən ibarət olan 1,600 nəfərlik qrup təlimlərinə başladı. Həyata keçirilən islahatla birlikdə, ölkə tarixində ilk dəfə qadınlar da kişilərlə bərabər şərtlərdə hərbi sistemə daxil edildi.
Yeni sistemdə əsgərlərin 5 aylıq əsas təlimdən sonra 6 ay ərzində operativ vəzifələrdə iştirak edəcəyi bildirildi. Əsgərlərin donanma, hava qüvvələri və quru qüvvələrindəki 14 fərqli təlim mərkəzində; pilotsuz uçuş aparatı operatorluğu, radar köməkçiliyi və patrul kimi müxtəlif vəzifələr üstlənəcəyi qeyd edildi. Danimarka ordusunun operativ qabiliyyətini artırmağı hədəfləyən yeni tənzimləmə ilə, hər il silah altına alınan əsgər sayının 2033-cü ilə qədər 5 mindən 7 min 500-ə çıxarılması planlaşdırılır.
