Vatikan özünün 2025-ci ildönümü ərəfəsində animasiya üslubunda yaradılan talismanını təqdim edib. AZƏRTAC bu barədə Katolik Xəbər Agentliyinə (CNA) istinadla xəbər verir.
Yeni maskota Lusia adı verilib (italyanca “işıq” kimi tərcümə olunur). O, ictimaiyyət qarşısında rəng sxemi Vatikanın rəsmi bayrağını əks etdirən sarı rəngli palto geyinmiş gənc qız şəklində görünüb. Yaradıcılar təfərrüata xüsusi diqqət yetiriblər: palçıq səpələnmiş çəkmələr sərgərdan obrazını vurğulayır, personajın gözləri isə xüsusi simvol - parıldayan balıqqulağı qabıqları, Müqəddəs Ceyms yolunda zəvvarların ənənəvi əlaməti ilə bəzədilib. Təsvir boyun ətrafında zəvvar xaçı ilə tamamlanır.
Arxiyepiskop Rino Fisiçella bu yenilikçi qərarı şərh edərək vurğulayıb ki, animasiya üslubunda maskotun görünüşü müasir pop mədəniyyətinə və gənc dindarlar nəslinə doğru atılan şüurlu addımdır.
Lusia Vatikanın hər il təşkil etdiyi “Lukka Prikol” və Oyunlar festivalında debüt çıxışı edəcək, sonra isə “Expo 2025” beynəlxalq sərgisində “Müqəddəs Taxt” pavilyonunun rəsmi simvolu olacaq.
