Rusiyanın Kalininqrad şəhərində kəhrəba istehsalı üzrə fabrikin Kəhrəba Moda Evi 50 milyon illik təbii kəhrəbadan paltar yaratdı.

AZƏRTAC Rusiya mediasına istinadla xəbər verir ki, paltar 1260 şəffaf kəhrəba lövhəsindən ibarətdir və hər birində qədim flora və faunanın elementlərini – ağac qabığı, torpaq, çiçəklər, şam iynələri, digər mineral və üzvi fraqmentləri ehtiva edir. Məhz onlar paltarın unikal dizaynını yaratmağa imkan veriblər. Kəhrəba “parçanın” qaranlıqdan işığa hamar bir rəng keçidini təmin etmək üçün lövhələr xüsusi sobalarda bərkidilib.

Məhsuldakı daşın ümumi çəkisi 2 kiloqram olub. Orijinal məhsulun istehsal prosesi üç ay çəkib. Əvvəlcə zərgərlər 40 ilə 15 millimetr ölçüsündə və cəmi 1 millimetr qalınlığında şəffaf kəhrəba lövhələr hazırlayıb çeşidləyib, daha sonra tikişçilər xüsusi əyri iynə və ən incə balıqçı ipi ilə hər bir lövhəni tül bazasına yapışdırıblar.

Kalininqrad fabrikinin kəhrəba məmulatlarının istehsalı və kommersiya fəaliyyəti üzrə baş direktorunun müavini Maya Skvortsova deyib: “Bizim kəhrəba paltarımızı podiumda, qırmızı xalçada geyinə və ya ictimai tədbirlərdə təqdim edə bilərsiniz. Baltik kəhrəbasına bütün dünyada yüksək tələbat var, ona görə də biz dizayner geyimlərində bu məhsulun potensialını üzə çıxarmaqla onun bilicilərini təəccübləndirməyə davam edəcəyik”.

Ümumilikdə, Kəhrəba Moda Evi 60 eksperimental qarderob əşyası - köynəklər, ətəklər, gödəkcələr və hətta kəhrəba tikmə və mozaika ilə cins şalvar hazırlayıb. Paltarları qeyri-adi aksesuarlar, məsələn, qəhvə fincanı tutacağı funksiyasını yerinə yetirən kəhrəba rəngli çanta tamamlayır.