ABŞ Prezidenti Donald Tramp əlverişsiz hava şəraiti səbəbindən kabineti ilə planlaşdırdığı Camp David səfərini təxirə salacağını bildirdi.
ABŞ Prezidenti Donald Tramp sosial media hesabından bugünkü proqramı ilə bağlı dəyişiklikləri elan etdi. Tramp, “Mümkün pis hava şəraiti səbəbindən Kabinet İclasımızı Ağ Evdə keçirəcəyik və kabinetin Camp David səfərini təxirə salacağıq” ifadələrini işlətdi.
Vaşinqtonun təxminən 100 kilometr qərbində yerləşən Camp David, keçmiş ABŞ Prezidenti Cimmi Karter, Misir lideri Ənvər Sadat və İsrail Baş naziri Menahem Beginin 1978-ci ildə İsrail və Misir arasında sülhü başlatan müqaviləni imzaladığı yer kimi tanınır.
