İran: Qeşm Adasına hücuma cavab olaraq Küveyt və Bəhreyndəki ABŞ bazalarını vurduq

İran İnqilab Keşikçiləri Korpusu tərəfindən verilən açıqlamada, Bəhreyndəki ABŞ bazasına hücumların ABŞ-ın Qeşm Adasına hücumuna cavab olaraq həyata keçirildiyi və ABŞ-ın gecə saatlarında Hörmüz Boğazı yaxınlığında İrana məxsus neft tankerinə raket hücumu təşkil etməsindən sonra ABŞ-İsrail əlaqəli Panaya gəmisinin İran donanması tərəfindən raketlərlə hədəf alındığı qeyd edildi. Bunun ardından ABŞ-ın Qeşm Adasının cənubunda İnqilab Keşikçiləri Korpusuna məxsus bir rabitə qülləsinə hava hücumu təşkil etdiyi vurğulanan açıqlamada, ABŞ-ın bölgədəki ölkələrdən birində yerləşən hava bazaları ilə Bəhreyndəki Beşinci Filo Qərargahına raket və pilotsuz uçuş aparatları (PUA) ilə hücumlar həyata keçirildiyi bildirildi.

Açıqlamada, “Əvvəllər, təcavüzkarlıq vəziyyətində fərqli və daha ağır bir cavab veriləcəyi barədə xəbərdarlıq etmişdik və buna uyğun hərəkət etdik. Hörmüz Boğazının təhlükəsizliyinin pozulmasının, təcavüzkar Amerika ordusu üçün ağır bir qiyməti olacağını təkrar vurğulayırıq” ifadələri istifadə edildi.

İRAN, KÜVEYT'DƏ ABŞ BAZALARINI VURDU

İran İnqilab Keşikçiləri Korpusu, ABŞ-ın İrana məxsus Qeşm Adasına hücumuna cavab olaraq Küveytdə ABŞ qüvvələrinə ev sahibliyi edən hərbi bazaları raketlərlə vurduğunu bildirdi.

İnqilab Keşikçiləri Korpusu, ABŞ ilə İran arasında Hörmüz Boğazında qarşılıqlı hücumlar həyata keçirildiyini açıqladı. Açıqlamada, “Terrorçu Amerika qüvvələrinin, İranın Qeşm Adasındakı milli suverenliyini hədəf alan açıq təcavüzkarlığına cavab olaraq, İnqilab Keşikçiləri Korpusu Hava Qüvvələri, Küveytdəki Amerikalı işğalçıların hərbi bazalarını dəqiq və intensiv raket hücumları ilə vurdu” deyildi.

Hücumda hədəf alınan bazaların məhv edildiyi və Amerika əsgərlərinin sığınacaqlarının dağıldığı qeyd edildi.