Şimali İrlandiyada miqrant əleyhinə etirazlar: Çox sayda ev və avtomobil yandırıldı

Şimali İrlandiyada 2023-cü ildə sığınacaq statusu verilmiş bir sudanlının bir irlandiyalını bıçaqlayaraq ağır yaralamasına etiraz edənlər, dünən axşamdan etibarən ölkə üzrə etiraz aksiyası başladılar. Miqrant əleyhinə etirazlarda çox sayda avtomobil və evin yandırıldığı bildirildi.

Şimali İrlandiya Polis Xidmətinin (PSNI) Baş Polis Müavini Ryan Henderson yazılı açıqlamasında ölkədə belə böyük və ciddi küçə hadisələrinin tez-tez yaşanmadığını qeyd etdi. Hadisələrdə çox sayda avtomobilin yandırıldığını vurğulayan Henderson, “Hər kəsi sakit olmağa, məsuliyyətli davranmağa və özlərini və başqalarını riskə atacaq hərəkətlərdən çəkinməyə çağırıram” ifadələrini işlətdi.

STARMER: MƏSULİYYƏTLİLƏR HÜQUQUN BÜTÜN GÜCÜNÜ HİSS EDƏCƏK

İngiltərə Baş naziri Keir Starmer isə Şimali İrlandiyada miqrant əleyhinə etirazların məsuliyyətlilərinin cəzalandırılacağını söylədi. Starmer, sosial media hesabından etdiyi paylaşımda, dünən gecə Şimali İrlandiyanın paytaxtı Belfastdakı zorakılıq hadisələrinin 'şok edici və qəbul edilməz' olduğunu bildirdi.

Cəmiyyəti təhdid edən zorakılıq və nizamsızlığın heç bir səbəbi olmadığını ifadə edən Starmer, “Dünən gecə insanların etnik kimlikləri səbəbindən hədəf alındığı açıq və buna müsamaha göstərməyəcəyəm. Məsuliyyətlilər hüququn bütün gücünü hiss edəcək” açıqlamasında bulundu.