İran lideri Xamenei: Fərqli fikirdə olmağıma baxmayaraq ABŞ ilə razılaşmaya icazə verdim

İran lideri Müctəba Xamenei, İran Prezidenti Məsud Pezeşkiyan və ABŞ Prezidenti Donald Tramp arasında imzalanan anlaşma memorandumu ilə bağlı İran xalqına müraciət yayımladı. Xamenei, müraciətində bu mərhələyə gələnə qədər müvafiq səlahiyyətlilərin səmimi bir səylə və yaxşı niyyətlə çalışdığını bildirərək, "Əlbəttə, bunu həyata keçirmək üçün çarəsizlik içində hər cür yolu istifadə edən Amerika prezidenti idi" ifadələrini işlətdi.

Anlaşmaya dair prinsip olaraq fərqli bir fikrə sahib olduğunu vurğulayan Xamenei, "Prinsip olaraq fərqli bir fikrə sahib idim; lakin Cənab Prezidentin, Milli Təhlükəsizlik Yüksək Şurasının Sədri sifəti ilə, öz və digər üzvlər adından İran millətinin və müqavimət cəbhəsinin hüquqlarının qorunmasına dair mənə verdiyi öhdəlik və bu məsuliyyəti açıqca qəbul etməsi üzərinə icazəmi verdim. O, həmçinin, Amerika tərəfinin həddindən artıq tələblər irəli sürməsi halında bunlara boyun əyməyəcəklərini də açıqca ifadə etmişdir" açıqlamasını etdi.

Xamenei, bu andan etibarən İran xalqı ilə birlikdə sözügedən şərtlərin həyata keçməsini gözləyəcəklərini qeyd edərək, "Ancaq gələcəkdə keçiriləcək üz-üzə danışıqların düşmənin fikirlərini qəbul etmək anlamına gəlməyəcəyi açıqdır" qiymətləndirməsində bulundu.