Çin: Orta Şərqdə sülhün bərqərar olunması üçün göstərilən səyi dəstəkləyirik

Çin Xarici İşlər Nazirliyinin sözçüsü Guo Jiakun bu gün keçirilən mətbuat konfransında Orta Şərqdəki inkişaflarla bağlı qiymətləndirmə apardı. Guo, Çinin bölgədəki gərginliklərin və tərəflər arasındakı anlaşılmazlıqların yalnız dialoq və müzakirə yolu ilə həll edilə biləcəyinə dair mövqeyini qoruduğunu bildirdi. Ölkəsinin hər zaman ədalətli və qərəzsiz bir mövqe benimsədiyini vurğulayan Guo, “Orta Şərqdə sülhün bərqərar olunması üçün göstərilən səyi dəstəkləyirik” dedi.

Sözçü Guo, güc istifadəsinə və güc təhdidinə qarşı olduqlarını bildirərək, ABŞ ilə İran arasında imzalanan anlaşma memorandumunun beynəlxalq ictimaiyyətə müsbət bir mesaj verdiyini qeyd etdi. Memorandumun qorunması və həyata keçirilməsinin bütün tərəflərin ortaq məsuliyyəti olduğunu vurğulayan Guo, “Çin, İranın suverenliyini, təhlükəsizliyini və milli şərəfini qorumaq istiqamətindəki səylərini dəstəkləyir. Eyni zamanda Tehranı, Körfəz ölkələri və bölgədəki digər ölkələrlə əlaqələrini inkişaf etdirməyə təşviq edir” ifadələrini işlətdi.