ABŞ Geoloji Araşdırma Mərkəzinin (USGS) məlumatlarına görə, mərkəzi Venesuelanın Yaracuy əyalətinə bağlı San Felipe şəhərinin 24 kilometr şimal-şərqində olan 7.2 gücündə zəlzələ baş verib. Zəlzələnin dərinliyi 21,9 kilometr olaraq ölçülüb. Bu zəlzələdən 39 saniyə sonra eyni əyalətə bağlı Yumare şəhərinin 23 kilometr cənub-şərqində 7.5 gücündə bir zəlzələ daha baş verib. Bu zəlzələnin dərinliyi isə 10 kilometr olaraq ölçülüb.
39 saniyə arayla baş verən ardıcıl zəlzələlər, Venesuelanın paytaxtı Karakas və qonşu ölkə Kolumbiyanın paytaxtı Boqota daxil olmaqla bir çox bölgədə hiss edilib. Zəlzələdən sonra açıqlamalarda bulunan Venesuela Daxili İşlər Naziri Diosdado Cabello, Paytaxt Karakasda bəzi binaların dağıldığını bildirib. Ancaq ölü və yaralı barədə məlumat paylaşılmayıb. Nazir Cabello, mümkün yeni zəlzələ və artçılar səbəbindən vətəndaşlara evlərə girməmələri barədə xəbərdarlıq edib.
