İspaniyanın Kataloniya Muxtar Bölgəsinin Girona şəhəri ətrafında meşə yanğınları səbəbindən təxminən 50 min nəfər təxliyə edildi.
İspaniyanın şərqindəki Kataloniya Muxtar Bölgəsinin Girona şəhərində ilk olaraq La Bisbal d'Emporda yaşayış məntəqəsində başlayan, daha sonra Vilademuls və Bescano rayonlarında küləyin təsiri ilə böyüyən yanğınlar təxminən 10 yaşayış məntəqəsini təsir etdi.
Avropa Meşə Yanğınları Məlumat Sistemindən verilən açıqlamada, yanğınlar səbəbindən təxminən 50 min nəfərin ehtiyat məqsədilə evlərindən və ya iş yerlərindən təxliyə edildiyi bildirildi. Meşə yanğınları səbəbindən bəzi yolların nəqliyyata bağlandığını qeyd edən rəsmilər, bölgə sakinlərinə 'zəruri olmadıqca çölə çıxmamaları və tüstüdən təsirlənməmək üçün pəncərələrini bağlı saxlamaları' çağırışı etdi.
