On Avropa ölkəsi, Anti-Balistik Raket Koalisiyası qurduqlarını elan etdi

Fransanın paytaxtı Parisdə Fransa Prezidenti Emmanuel Makronun ev sahibliyi ilə Anti-Balistik Raket Koalisiyası toplantısı keçirildi. Toplantıdan sonra Danimarka, Fransa, Almaniya, İtaliya, Hollandiya, Norveç, İspaniya, İsveç, Ukrayna və İngiltərə liderləri birgə yazılı açıqlama verdilər. Açıqlamada, sözügedən ölkələrin liderlərinin balistik raketlərin yaratdığı təhdidin və Avropa qitəsi üçün müdafiə qabiliyyətinin artan əhəmiyyətinin fərqində olduğu qeyd edildi.

Balistik raketlərə qarşı yalnız müdafiə məqsədli bir koalisiyanın quruluşunun elan edildiyi açıqlamada, “Anti-balistik qabiliyyət inkişaf etdirmək üçün yorulmadan çalışmaq məqsədini daşıyan başat layihəyə dəstəyimizi bildiririk” ifadələri istifadə edildi.

Açıqlamada, koalisiyanın beynəlxalq öhdəliklərinə və hüquqi çərçivəyə uyğun olaraq ilk əməliyyat qabiliyyəti üçün yol xəritəsi yaradılacağı vəd edildi. Danimarka, Fransa, Almaniya, İtaliya, Hollandiya, Norveç, İspaniya, İsveç, Ukrayna və İngiltərənin koalisiyanın qurucu ölkələri olduğu bildirilən açıqlamada, bununla yanaşı koalisiyanın, eyni hədəfləri daşıyan ölkələrin iştirakına açıq olduğu da qeyd edildi.