BMT-dən ABŞ-İran gərginliyinə 'diplomatiya yolu ilə həll tapılması' çağırışı

Birləşmiş Millətlər Təşkilatının (BMT) Baş katibinin sözçüsü Stefan Dujarric gündəlik mətbuat konfransında Baş katib Antonio Quterreşin son bir neçə gündür İran və ABŞ arasında davam edən hərbi gərginlikdən dərin narahatlıq keçirdiyini bildirdi. Dujarric, böhranın bütün bölgə ölkələrinə təsir etdiyini qeyd edərək, "Böhran, ticarət sistemlərinə, humanitar yardıma çıxışa, nəqliyyat xərclərinə, bu bölgə ölkələri və ondan kənarda yanacaq və əsas ehtiyac maddələrinin qiymətlərinə təzyiq göstərir. Baş katib, xüsusilə İranda tikilməkdə olan bir nüvə stansiyası və bir su təmizləmə qurğusu daxil olmaqla mülki infrastruktura yönəlik hücumlardan və bölgə boyunca Küveyt və digər yerlərdəki enerji stansiyalarına və su təmizləmə qurğularına edilən hücumlardan da narahatdır," ifadələrini işlətdi.

Quterreşin, bu cür hücumların 'qəbuledilməz olduğunu və dərhal dayandırılması lazım olduğunu' vurğuladığını bildirən Dujarric, "Baş katib, bu münaqişənin hərbi bir həlli olmadığını bir daha təkrarlayır və sülhsevər, davamlı bir həll üçün diplomatik səylərin gücləndirilməsi çağırışında bulunur. Tərəflər arasında əldə ediləcək anlaşma, Hörmüz Boğazı ilə ətrafındakı beynəlxalq naviqasiya hüquqlarının və azadlığının tam olaraq bərpa edilməsini əhatə etməlidir," deyə danışdı.