Nyu-York meri Mamdanidən ABŞ hökumətinə Netanyahu ilə bağlı çağırış

Nyu-York meri Zohran Mamdani sosial media hesabında paylaşdığı videoda İsrail Baş naziri Binyamin Netanyahunun müharibə cinayətkarı olduğunu və 73 mindən çox fələstinlinin öldürüldüyü soyqırımın memarı olduğunu bildirdi. Qəzzada hədəf alınan uşaqları və xəstəxanaları, tətbiq olunan qida blokadasını, öldürülən humanitar yardım işçilərini və jurnalistləri xatırladan Mamdani, “Bütün bunlar baş verərkən, insanları öldürən bombaların pulu isə amerikalıların cibindən çıxır” dedi.

Mamdani, Netanyahunun səbəb olduğu dağıntının fərq edilməli və məhkəmə qarşısına çıxarılmalı olduğunu qeyd edərək, Nyu-Yorka gələcəyi təqdirdə Beynəlxalq Cinayət Məhkəməsinin (BCM) həbs qərarını yerinə yetirib-yetirə bilməyəcəkləri ilə bağlı bütün yolları araşdırdıqlarını bildirdi. Mamdani, “Bu əmri yerinə yetirmək üçün müstəqil hüquqi səlahiyyətə malik olmadığımız aydındır. Federal hökumətin belə bir səlahiyyəti var. Onları BCM-yə qoşulmağa və bu əmri yerinə yetirməyə çağırıram. Netanyahu və digər bütün müharibə cinayətkarlarının Nyu-Yorkda yeri yoxdur” ifadələrini işlətdi.