Rumıniya, hava məkanına icazəsiz girən PUA-nı F-16 ilə vurdu

Rumıniya Xarici İşlər Naziri Oana Toiu, sosial media hesabından etdiyi paylaşımda sərhəd təhlükəsizliyinə dair baş verən hadisənin təfərrüatlarını açıqladı. Saat 11:02-də həyata keçirilən müdaxilədə, hava məkanına icazəsiz girən pilotsuz uçuş aparatının (PUA) Buzau bölgəsindəki səhralıq bir ərazinin üzərində vurulduğunu bildirən Toiu, əməliyyatın Rumıniya Silahlı Qüvvələrinin sürətli müdaxiləsi və NATO Hava Patrulu vəzifəsi çərçivəsində havalanan İtalyan Eurofighter döyüş təyyarələri ilə təmin edilən koordinasiya ilə həyata keçirildiyini qeyd etdi. Toiu, bu hadisənin Rumıniya milli hava məkanında bir PUA-nın qarşısının alınıb məhv edildiyi ilk vəziyyət olduğunu bildirdi.

Vurulan hədəfin düşdüyü bölgədə və qalıq parçaları üzərində araşdırmaların davam etdiyini ifadə edən Toiu, Rumıniya Prezidenti Nicuşor Dan və Müdafiə Naziri Radu-Dinel Miruta'nın hava məkanını qoruma öhdəliklərini təkrarladıqlarını vurğulayaraq, müasir hava müdafiə və anti-PUA sistemlərinə yönəlik investisiyaların davam edəcəyini bildirdi.

Regional təhlükəsizliyə də toxunan Toiu, “Artan təhlükəsizliyə gedən yol, sərhədimizdə sülhə gedən yoldur. Vətəndaşlarımızı qoruyacaq və günahsız mülki həyatları bu qanunsuz hücumlara qarşı müdafiə edən qonşularımıza yardım etməyə yönəlik beynəlxalq səyləri dəstəkləyəcəyik” ifadələrini işlətdi.