Trampdan İran açıqlaması: Böyük miqyaslı hücumlar barədə hələ qərar verilməyib

ABŞ Prezidenti Donald Tramp Ağ Evdə keçirdiyi mətbuat konfransında Vaşinqton ilə Tehran arasında davam edən gərginliklə bağlı qiymətləndirmələrdə bulundu. Mətbuat nümayəndələrinin İrana qarşı əməliyyatların davam edib-etməyəcəyi ilə bağlı sualını cavablandıran Tramp, bu ölkəyə qarşı böyük miqyaslı bir hücum həyata keçirmək məsələsində hələ bir qərara gəlmədiyini ifadə etdi. Tramp, Tehranın diplomatik danışıqlarda hər keçən gün daha ciddi hərəkət etdiyini bildirdi.

İran məsələsinin həlli ilə bağlı tələsik davranmadıqlarını vurğulayan Tramp, Çin Dövlət Başçısı Şi Cinping və Rusiya Dövlət Başçısı Vladimir Putinin bu məsələyə dair ona verdiyi öhdəliklərə etibar etdiyini qeyd etdi. Moskva və Pekin rəhbərliklərinin Tehrana hər hansı bir imtiyaz verib-vermədiyinə dair dəqiq bir məlumatı olmadığını deyən Tramp, hər iki ölkənin də onu məyus edəcək bir addım atmasını gözləmədiyini dilə gətirdi.