Rusiya Müdafiə Nazirliyi, Ukraynanın paytaxtı Kiyev və Odessa bölgəsindəki hərbi obyektləri vurduqlarını bildirdi.
Rusiya Müdafiə Nazirliyindən verilən açıqlamada, Silahlı Qüvvələrin gecə Kiyevdə və Odessa bölgəsində hərbi obyektlərə hücumlar təşkil etdiyi bildirildi. Hücumların havadan və qurudan uzun mənzilli yüksək dəqiqlikli silahlarla həyata keçirildiyi vurğulanan açıqlamada, "Kiyevdə pilotsuz uçuş aparatları (PUA) istehsal edən 'Smart Intelligent System' adlı sənaye fabriki, PUA montaj və saxlama mərkəzi, Odessa bölgəsindəki Çornomorsk Limanında da hərbi yüklərin daşınması və saxlanması üçün istifadə olunan infrastruktur obyektləri ilə yağ və yanacaq tankları vuruldu" ifadələri istifadə edildi.
3 UKRAYNALI HƏYATINI İTİRDİ
Ukraynanın paytaxtı Kiyevin Bələdiyyə Başçısı Vitaliy Kliçko, sosial media hesabından etdiyi açıqlamada hücumda, 3 nəfərin yaralandığını və mülki infrastrukturun da zərər gördüyünü bildirdi.
Ukrayna Dövlət Fövqəladə Hallar Xidməti isə Dnipropetrovsk bölgəsindəki Nikopol şəhərinə edilən hücum nəticəsində 2 nəfərin həyatını itirdiyini və 3 nəfərin yaralandığını qeyd etdi.
Ukrayna Prezidenti Volodimir Zelenski də sosial media hesabından Rusiyanın dünən gecə təşkil etdiyi hücumlarda 8 raket və 136 silahlı pilotsuz uçuş aparatı (SİHA) istifadə etdiyini bildirdi. Xarkov şəhərinə edilən hücumda binaların hədəf alındığını vurğulayan Zelenski, hücumda 1 nəfərin həyatını itirdiyini, 2-si uşaq olmaqla 9 nəfərin yaralandığını qeyd etdi. Zelenski, "Ruslar, bu həftə Ukraynaya qarşı təxminən 1700 pilotsuz uçuş aparatı, 1630-dan çox idarə olunan bomba və müxtəlif növlərdə 95 raket istifadə etdi. Bunların yarısından çoxu ballistik raketdir" açıqlamasında bulundu.
