İran Prezidenti Mesud Pezeşkiyan ABŞ hücumlarının ardından zərər görən infrastrukturun sürətlə yenidən qurulmasını əmr etdi.
İran Prezidentliyindən verilən yazılı açıqlamaya görə, Prezident Mesud Pezeşkiyan paytaxt Tehranda Nəqliyyat Nazirliyinin rəsmiləri ilə görüşüb. Pezeşkiyana dəniz, hava və quru nəqliyyatı, eləcə də sərhəd qapıları və gömrüklərlə bağlı hesabatlar təqdim edildikdən sonra ABŞ hücumlarının ardından zərər görən infrastrukturun sürətlə yenidən qurulması və bu məqsədlə ən yaxşı texnologiyanın istifadəsi barədə göstəriş verib.
ABŞ-ın İranın infrastrukturuna qarşı hücumlarını 'müharibə cinayəti' kimi qiymətləndirən Pezeşkiyan, məsələnin səlahiyyətli beynəlxalq qurumlar qarşısında izlənilməli olduğunu bildirib. Pezeşkiyan açıqlamasında, “Xüsusilə qonşu ölkələrlə nəqliyyat şəbəkələrinin genişləndirilməsi və dəmir yolu şəbəkələrinin tamamlanması ilə ölkənin strateji mövqeyi daha da güclənəcək və geosiyasi potensialı artacaq” ifadələrini işlədib.
