BMT Baş katibi Guterres: Kipr üçün 5+1 genişləndirilmiş toplantı keçirmək qərarına gəldik

Birləşmiş Millətlər Təşkilatının (BMT) Baş katibi Antonio Guterres, Şimali Kipr Türk Respublikası (ŞKTR) Prezidenti Tufan Erhürman və Cənubi Kipr Yunan İdarəsi (CKYİ) lideri Nikos Hristodulidis ilə ara bölgədə keçirilən liderlər zirvəsindən sonra mətbuat konfransı keçirdi. Kipr məsələsində yeni bir prosesin başlanması məqsədilə 5+1 genişləndirilmiş bir toplantı təşkil etməyə qərar verdiyini bildirən Guterres, adadakı təmaslarına dair qiymətləndirmələrdə bulundu. Açıqlamasına, “Uzun müddətli bir dözümlülüyün nəticəsində buradayıq. Yaxşı qarşıladığınız üçün təşəkkür edirəm” sözləri ilə başlayan Guterres, Kiprdə təmasları boyunca cəmiyyətlərin ortaq gözləntisini müşahidə etdiyini bildirərək, “Kipr türklərində sülhə yönəlik hər şeyin üstündə ortaq bir istək gördüm” dedi.

Vəzifəyə başladığı gündən bu yana həm Kipr türkü, həm də Kipr yunanı tərəfi ilə BMT Yaxşı Niyyət Ofisi çərçivəsində işləri davam etdirdiklərini qeyd edən Guterres, “Vəzifəmin başından etibarən, həm Kipr türkü, həm də yunanlarla Yaxşı Niyyət Ofisi çərçivəsində işlərə davam etdik. Bu baxımdan Kiprə gəlmək və həllə yönəlik işləri yerində görmək mənim vəzifəmdir” ifadələrini istifadə etdi.

Tərəflər arasında etimadın gücləndirilməsinin əhəmiyyətinə vurğu edən Guterres, “Etimad yaradan tədbirlər və liderləri bu nöqtədə cəmləşdirmək mənasında çağırış etdim. Hər iki liderlə apardığım konstruktiv görüşlərdə (həm ayrı, həm də birlikdə) şəxsi nümayəndəmlə birlikdə işləmək istiqamətindəki səylərini ortaya qoydular” deyə danışdı.

Kifayət qədər hazırlıqların tamamlandığına işarə edən BMT Baş katibi Guterres, “Etimad artırıcı tədbirlər, metodologiya və məzmun üzərində kifayət qədər hazırlıqların ardından, hal-hazırda əldə edilən yaxınlaşmaları nəzərə alaraq, 5+1 genişləndirilmiş bir toplantı təşkil etməyə qərar verdim” açıqlamasını etdi.

Guterres, prosesin bundan sonrakı mərhələsinə dair isə “Toplantının uğuru üçün zəruri şərtləri yaratmaq üçün iki tərəf və zəmanətçilərlə məsləhətləşmə halında çalışacağıq” qiymətləndirməsində bulundu.