İran: Hörmüz Boğazının açılması ABŞ-ın mövqeyindən asılıdır

İranın Xarici İşlər nazirinin müavini Kazım Garibabadi ölkə mediasına verdiyi açıqlamada, Oman ilə Hörmüz Boğazı mövzusunda aparılan müzakirələr nəticəsində əldə olunan razılaşmanın son mərhələsinə yaxınlaşdığını bildirdi. Garibabadi, razılaşmanın Hörmüz Boğazının tamamilə açılması anlamına gəlmədiyini qeyd edərək, “Hörmüz Boğazı üzərindən keçən yeni marşrut müvəqqətidir, lakin 2 ilə 4 ay və ya daha uzun müddət üçün keçərli ola bilər. Oman ilə razılığa gəldikdən sonra ikinci mərhələyə keçmək üçün yeni bir qərara ehtiyacımız var. Müzakirələr yalnız İran və Oman arasında baş verir. Hörmüz Boğazından keçid mövzusunda uzlaşma İran və Oman arasında, iki sahil dövləti olaraq əldə olundu və bu müddət ərzində ABŞ ilə heç bir müzakirə aparılmadı” ifadələrini işlətdi.

Garibabadi, Oman ilə əldə olunan uzlaşmaya görə, Boğazdan keçidlər üçün yeni marşrutun açılacağını bildirdi. Garibabadi, “Lark Adası yaxınlığında qurulan şimal marşrutu və Oman daxili sularında yerləşən cənub marşrutu, tamamilə müvəqqəti marşrutlar olduqları üçün bağlanacaqdır. İran və Oman arasında yaradılan bu yeni razılaşma tətbiq mərhələsinə keçərsə, gəmilərin keçidi üçün yeni marşrut tətbiq olunacaqdır. Müharibədən əvvəl olduğu kimi, 60 il boyunca bütün giriş və çıxışlar Oman ərazi sularından həyata keçirildi və İran müharibə zamanı Hörmüz Boğazında təsirli bir suverenlik qurdu. Bu, giriş və çıxış dəhlizinin bəzi hissələrinin İranın ərazi sularından keçəcəyi deməkdir. Yeni bir modelə şahid oluruq. Bu yeni model, milli təhlükəsizlik narahatlıqları və milli maraqların qorunmasına əsaslanır və İranın Hörmüz Boğazında təsirli suverenliyini tətbiq etmə strategiyasıdır” deyə qiymətləndirmə etdi.

Hörmüz Boğazının tamamilə açılmasının ABŞ-ın mövqeyindən asılı olduğunu vurğulayan Garibabadi, “ABŞ-dan İslamabad Razılaşmasındakı öhdəliklərinə geri dönməyə tam hazır olduğuna dair mesajlar aldıq. İkinci mərhələyə keçməyə qərar verib-vermədiyimiz barədə bu qərarın hələ verilmədiyini və nəzərdən keçirildiyini deyə bilərəm” deyə danışdı.