Ukrayna Prezidenti Volodimir Zelenski ABŞ Prezidenti Donald Tramp ilə telefonda danışdı.
Ukrayna Prezidenti Volodimir Zelenski sosial media hesabından etdiyi paylaşımda, ABŞ Prezidenti Donald Tramp ilə telefonda danışdığını bildirdi. Zelenski, görüşmənin vacib olduğunu vurğulayaraq, bir çox mövzunu müzakirə etmək imkanı olduğunu qeyd etdi. Gələcək günlərdə Nyu-Yorkda keçirilməsi planlaşdırılan görüş haqqında da danışdıqlarını bildirən Zelenski, “Nyu-Yorkda görüşmək üçün razılaşdıq və bu görüş bir çox şeyi dəyişə bilər. Diplomatik bir dinamika mövcuddur” ifadələrini işlətdi.
Zelenski, Trampın xüsusi nümayəndələri Stiv Vitkoff və Cared Kuşnerin qısa müddət əvvəl Kiyevi ziyarət etdiyini xatırladaraq, “Sülh yolu bir nömrəli prioritetdir. Gərginliyi azaltmaqla yanaşı enerji, qida və insan həyatının qorunması kimi əsas təhlükəsizlik məsələlərinə dair fikirlər mövcuddur. Amerika komandası ilə işləyirik və ciddi addımlar atmağa hazırıq. Rusiya hökuməti və dövlət şirkətlərinə sanksiya tətbiq edilməsini və Rusiyadan enerji idxal edən ölkələrə tariflər gətirilməsini nəzərdə tutan qanun layihəsini imzaladığı üçün Trampa təşəkkür etdim” açıqlamasında bulundu.
