Braziliyada ikinci turda keçirilən prezident seçkilərini ölkənin hazırkı Prezidenti Luiz Inacio Lula da Silva qazandı.
Braziliya mətbuatı ölkədə keçirilən prezident seçkilərinin ikinci turunda səslərin 99,99%-nin sayıldığını elan etdi. İşçi Partiyasının namizədi və hazırkı Prezident Luiz Inacio Lula da Silva səslərin 51,79%-ni toplayaraq bir daha vəzifə başında qalmağa haqq qazandı. Onun rəqibi Azadlıq Partiyasının namizədi senator Flavio Bolsonaro isə 48,21% səslə ikinci yerdə qərarlaşdı. Siyasi karyerasında dördüncü dəfə bu vəzifəyə seçilən Lula Da Silva-nın tərəfdarlarının Sao Paulo küçələrində qeyd etmələr keçirdiyi bildirildi. 4 oktyabrda keçirilən ilk turda Bolsonaro 47%, Lula da Silva isə 45,1% səs toplamışdı.
