Zelenski: Liderlər səviyyəsində üçtərəfli zirvə üçün danışıqlar davam edir

Ukrayna Prezidenti Volodimir Zelenski İrlandiyanın paytaxtı Dublində İrlandiya Baş naziri Maykl Martinlə görüşdü. Birgə mətbuat konfransında çıxış edən Zelenski, Rusiya-Ukrayna Müharibəsinin sona çatdırılması üçün Birləşmiş Ərəb Əmirliklərinin (BƏƏ) paytaxtı Əbu-Dabidə 10-11 noyabr tarixlərində ABŞ, Rusiya və Ukraynanın iştirakı ilə üçtərəfli danışıqların keçirildiyini xatırlatdı. Zelenski danışıqlar zamanı 1000-ə qarşı 1000 əsirin mübadiləsinin gündəmə gətirildiyini bildirərək, “1200 əsirin mübadiləsi də mümkün ola bilər. İkinci məsələ isə təhlükəsizlik zəmanətləridir. Ukrayna üçün müxtəlif təhlükəsizlik zəmanəti formatları müzakirə edildi” ifadəsini işlətdi.

Zelenski, Əbu-Dabidəki danışıqlarda iştirak edən ABŞ rəsmilərinin 12 noyabrda Rusiyada Rusiya Prezidenti Vladimir Putinlə görüşəcəyini deyərək, “Çox şey, Amerika tərəfi ilə Rusiya tərəfi arasındakı dialoqun formatından asılıdır. Müharibənin bitirilməsi istiqamətində mühüm məsələlərin müzakirə edilməsi üçün ABŞ, Rusiya və Ukrayna liderlərinin bir araya gəlməsi lazımdır” açıqlamasında bulundu.

Zelenski, danışıqlarda Avropanın da masada yer alması lazım olduğunu qeyd edərək, “Amerika tərəfi buna daha müsbət, daha isti baxır” dedi.