İspaniyanın müdafiə naziri Marqarita Roblesin olduğu təyyarə Rusiyanın Kalininqrad bölgəsi üzərindən uçarkən naviqasiya ilə bağlı problemlərlə üzləşib.
Trend bu barədə xarici KİV-ə istinadən xəbər verir.
Məlumata əsasən, GPS sistemində pozuntu naziri daşıyan təyyarə Litvaya uçan zaman qeydə alınıb. İnsidentin təfərrüatları barədə məlumat verilmir.
Xatırladaq ki, bundan əvvəl sentyabr 1-də Avropa Komissiyasının rəhbəri Ursula fon der Lyayenin olduğu təyyarə GPS sistemi olmadan Bolqarıstanın Plovdiv aeroportuna məcburi eniş etmişdi.
