İranın Birinci Vitse-Prezidenti Məhəmməd Rza Arif, “İranın Hörmüz Boğazı üzərindəki hüquqları müəyyən edildi və məsələ bağlandı” dedi.
İranın Birinci Vitse-Prezidenti Məhəmməd Rza Arif, paytaxt Tehranda iştirak etdiyi toplantıda etdiyi çıxışda, Hörmüz Boğazı ilə bağlı qiymətləndirmə etdi. Hörmüz Boğazının İranın milli təhlükəsizliyi və inkişafının təmin edilməsindəki strateji roluna toxunan Arif, “İran İslam Respublikası ramazan müharibəsindən sonra idarəetmədə yeni bir mərhələyə keçdi və özünü bu şərtlərə hazırlamalıdır. İranın Hörmüz Boğazındakı hüquqları müəyyən edilib və məsələ bağlandı” ifadələrini işlətdi.
Arif, müharibədən sonra İranın, 'bölgənin təsirli gücü və qlobal bir super güc' olaraq qəbul edildiyini irəli sürərək, “Biz də bu yeni mövqeyə görə planlama aparmalıyıq. İndiyə qədər ölkənin planları, düşmənlərin sanksiyaları və təzyiqlərinə görə idi, lakin indi ölkəmizin və hətta bölgənin təhlükəsizliyi, rifahı və inkişafı üçün planlama aparmalıyıq” dedi.
