Livanın Səhiyyə Nazirliyi İsrailin ölkəyə hücumlarında ölənlərin sayının 2 min 969-a, yaralıların sayının isə 9 min 112-yə çatdığını bildirdi.
Livanın Səhiyyə Nazirliyinin açıqlamasında bildirilib ki, İsrail ordusunun 2 martda başladığı və ölkənin müxtəlif bölgələrini hədəf alan hücumları nəticəsində həyatını itirənlərin sayı 2 min 969-a, yaralıların sayı isə 9 min 112-yə yüksəlib. Nəşr olunan son məlumatlara görə, 2 mart ilə 16 may tarixləri arasındakı hücumlarda 214-ü uşaq və 339-u qadın olmaqla çox sayda mülki şəxs həyatını itirib.
Açıqlamada, İsrail hücumlarının Livanın səhiyyə infrastrukturunda yaratdığı ağır dağıntıya da diqqət çəkilib. Proses boyunca səhiyyə və təcili müdaxilə qruplarını hədəf alan 146 ayrı hücum həyata keçirildiyi, bu hücumlarda 113 səhiyyə işçisinin həyatını itirdiyi, 263-nün isə yaralandığı bildirilib. Digər tərəfdən, ölkə üzrə 138 təcili yardım maşını və 16 xəstəxananın zərər gördüyü, 3 xəstəxananın isə tamamilə xidmət xaricində qaldığı bildirilib.
